Өскемендегі 11 учаскеде су тасқыны қаупі бар
Өскемен қаласындағы қай аудандарда су басу қаупі басым екені анықталды.
Алдағы күндері күн жылынып, термометр бағаны +5 градусқа дейін көтерілуі мүмкін. Облыс орталығының құтқарушылары су тасқынының алдын алу шараларын күшейтіп, қаладағы су құбырлары мен бұлақтарды тазартып жатыр, деп хабарлайды Altaynews тілшісі.
- Қала шетінде орналасқан барлық шағын аудандар мен кенттер субасуға бейім. Қазір облыс орталығындағы Красин, Ахмер, Согда ауданы мен 28-ші шағын аудандарда су тасқыны қаупі басым, - дейді қалалық әкім аппаратының ТЖ жөніндегі бас инспекторы Қаныш Әбенов.
Қазір қарғын сумен күресу мақсатында 75 техника мен жағалауларды толтыру және нығайту үшін инертті материалдар дайындалуда.
Әкімдік өкілдерінің сөзіне сүйенсек, биыл қаладағы жағдай 2018 жылмен салыстырғанда бірнеше есе жақсарған көрінеді. Ол жылдары топырақтың қату тереңдігі бір жарым метрден жоғары болса, қазір ол орташа есеппен 75 сантиметрді құрайды.
- Барлық жауапты қызметтердің тәулік бойы кезекшілігі ұйымдастырылады. Қазір біз жеке сектор тұрғындарымен белсенді жұмыс жүргізіп жатырмыз, өйткені арықтар көше бойында орналаспаған да учаскелер бар және оларды тазалай алмаймыз. Сондықтан қала тұрғындарынан бірлескен жұмысқа белсенді қатысуын сұраймыз, - деді Өскемен қаласы әкімінің орынбасары Денис Федченко.
Оқи отырыңыз
