Үржарда ана мен бала денсаулығын сақтауға байланысты бірқатар жұмыстар атқарылуда. Бұл туралы тікелей эфирде баспасөз мәслихатын өткізген аудан әкімі Нұржан Тоқсеитов хабарлады.

– Облыс әкімі Даниал Ахметовтың қолдауымен ауданымызда компьютерлік томография аппартын орнатуды жоспарлап отырмыз. Сондай-ақ, аудан орталығында үлкен инсульттік, кардио орталықтар ашу, ангиограф орнату және перзентхананы екінші деңгейге жеткізу жұмыстары қолға алынуда, – дейді Нұржан Тоқсеитов.

Бүгінгі таңда аудан орталығындағы перзентхананың бірінші деңгейлі болуына байланысты жүкті аналардың көрші аудандар мен қалалардан медициналық көмек алуға мәжбүр екенін айтқан аудан басшысы перзентхананың деңгейін көтеру сапалы медициналық қызметті жергілікті жерде алуға мүмкіндік беретінін тілге тиек етті.