Қазақстан «Серпін» бағдарламасын іске асыру жұмысын күшейтуге ниетті
Әлеуметтік жобаның мақсаты еліміздің оңтүстік өңірлерінен келген жастарды оқытып, кадр жетіспеушілігі байқалып отырған Қазақстанның солтүстік, орталық және шығыс аймақтарына жұмысқа орналастыруға бағытталған, деп хабарлайды Altainews.kz тілшісі Үкіметтің баспасөз қызметіне сілтеме жасап.
«Серпін» бағдарламасын жүзеге асырудағы негізгі мәселе жауаптылардың нақты, адрестік жұмысының жоқтығында. Жобада қамтылатын жастар анықталғанымен, аймақтардағы жұмыс берушілерге нақты қандай мамандықты меңгерген кадрлар қажет екені нақтыланбаған.
– Бұл мәселені шешу үшін Ғылым және жоғары білім министрлігінің жанынан республикалық жобалық кеңсе және кадрларға қажеттілікті нақтылау үшін жұмыс берушілермен, жұмыспен қамту орталықтарымен, университеттермен және колледждермен өзара іс-қимыл жасайтын өңірлік кеңселер құрылды. Оқуды бітіргеннен кейін міндетті түрде жұмысқа орналасатын мамандарды даярлау үшін нақты оқу орындарын таңдау маңызды қадам болады, — деп атап өтті ҚР Премьер-министрінің орынбасары Тамара Дүйсенова.
Республикалық «Серпін» бағдарламасының жобалық кеңесіне ҚР Парламентінің депутаты Мұрат Әбенов, ал өңірлік офистерге облыс және Астана, Алматы, Шымкент қалалары әкімдерінің орынбасарлары жетекшілік етеді.
Оқи отырыңыз
