Шығыс Қазақстан облысы білім басқармасының «Orken» Шығыс Қазақстан өңірлік білім беруді ақпараттандыру және дамыту  ғылыми-әдістемелік орталығында» қазақ тілі мен әдебиеті және тарих пәні мұғалімдерінің арасында «Үздік өлкетану сабағы-2024» облыстық байқауы өтті, деп хабарлайды Altainews.kz тілшісі.

Байқауға Глубокое, Күршім, Самар, Катонқарағай, Тарбағатай, Үлкен Нарын, Ұлан аудандарының, сондай-ақ Өскемен, Алтай және Риддер қаласындағы орта білім беру мектептерінің мұғалімдері қатысып, жеке шығармашылық ізденістерімен, сабақ жүргізу тәсілдерімен, өлкетану және тарих пәндерінің оқу бағдарламасында алатын орнының маңыздылығымен бөлісті.

Сонымен, алты сағатқа созылған білім бәсекесінің қорытындысы бойынша І дәрежелі дипломды Риддер қаласындағы №1 мектеп-лицейінің қазақ тілі мен әдебиеті пәні мұғалімі Гүлбаран Көккөзова жеңіп алса,

ІІ дәрежелі дипломдарды Өскемен қаласындағы Ш. Уәлиханов атындағы №3 мектеп-лицейінің тарих пәнінің мұғалімі Әсем Бигельдинова мен Тарбағатай ауданы М. Әуезов атындағы мектеп-интернат-колледжінің қазақ тілі мен әдебиеті пәні мұғалімі Анар Тагаева иеленді.

ІІІ дәрежелі дипломдарға Глубокое ауданы А. Байтұрсынұлы атындағы орта мектептің қазақ тілі мен әдебиеті пәнінің мұғалімі Құндыз Базилбаева, Катонқарағай ауданынан С. Ластаев атындағы орта мектебінің қазақ тілі мен әдебиеті пәнінің мұғалімі Сәуле Әбенова және Ұлан ауданының «Привольный мектеп-бөбекжай-балабақша кешенінің» тарих пәні мұғалімі Ирина Гаджиева лайық деп бағаланды.

Ал «Ізденімпаз мұғалім» номинациясы Н. Островский атындағы №4 Күршім орта мектебі тарих пәнінің мұғалімі Эльмира Бауыржановаға, «Креативті мұғалім» Үлкен Нарын ауданының Малонарым орта мектебі тарих пәні мұғалімі Талапхан Сетерханға, «Цифрлы сауатты мұғалім» Алтай қаласындағы №7 орта мектептің қазақ тілі мен әдебиеті пәнінің мұғалімі Зинаида Маутиеваға, сондай-ақ «Шығармашыл мұғалім» номинациясы  Самар орта мектебі тарих пәнінің мұғалімі Гүлнар Ракишеваға табысталды.

Серік Құсанбаев

Фото: Махаббат Ахметжанова