«Казцинк» компаниясы #МЕНҮЙДЕНШЫҚПАЙМЫН #ЯОСТАЮСЬДОМА марафонын жариялады. Бас бәйге – iPhone 11 Pro, деп хабарлайды Алтайньюс тілшісі.
Байқау 6 сәуірде компанияның Instagram-дағы @kazzinc_official ресми парақшасында басталады. Сайыстың шарты өте қарапайым. Қатысушылар әлеуметтік желі арқылы берілетін тапсырмаларды күн сайын бұлжытпай орындап отыруы тиіс. Жалғыз өзіңіз немесе отбасыңызбен бірге тапсырмаларды орындап, фото немесе бейнежазба арқылы есеп бересіз. Марафон төтенше жағдай мерзімі аяқталғанша жалғасады.
ТЖ режимі аяқталғаннан кейін қазылар алқасы байқаудың қорытындысын шығарып, жүлдегерлерді анықтайды. Ең креативті қатысушы бас жүлдеге, яғни iPhone 11-ге ие болады. Тағы 3 жүлдегерге «Технодом» тұрмыстық техника дүкенінің 90 мың теңгелік сертификаты табысталады. Сондай-ақ сайыс барысында қандай да бір ерекше тәсіл көрсеткен қатысушы 150 мың теңгелік жеке сертификатқа ие болады.
@kazzinc_official парақшасынан марафон шарттар туралы толық ақпарат алып, үйде отырып iPhone ұтып алыңыз.