Орта салмақта жұдырықтасатын қазақстандық боксшы Қанат Ислам (27-0, 21 КО) жаңа бапкермен жаттыға бастады, деп хабарлайды Алтайньюс тілшісі.

Vesti.kz-тің мәлімдеуінше, жаңа бапкердің есімі – Нұрғали Сафиуллин. Ол Багаудин Бековтың орнына келген маман – Қазақстан құрамасының бұрынғы аға бапкері.

Ал Беков 2019 жылы Қанат Исламды екі жекпе-жекке дайындады. «Қазақ» бірінші маусым айында Хулио Де Хесуспен (27-2, 24 КО), екінші кезекте қазан айында намибиялық Уолтер Каутондоквамен (18-2, 11 КО) жұдырықтасты.

Қанат Ислам бапкер Нұрғалидің қол астында бұған дейін де жаттықан. Сондай-ақ Сафиуллин Мырзағали Айтжанов, Мұхтархан Ділдәбеков, Нұржан Сманов және жартылай ауыр және бірінші ауыр салмақта WBA чемпионы Бейбіт Шүменов (18-2, 12 КО) сияқты бірнеше бокс жұлыздарын дайындаған.