Өскеменде қоғамдық көлік қағып кеткен қала тұрғыны көз жұмды, деп хабарлайды Алтайньюс тілшісі.

Бұл туралы Полиция басқармасының баспасөз қызметі мәлімдеді. 1970 жылы туған әйел ауыр халде ауруханаға жеткізілген болатын. Арада бір апта уақыт өткен соң, зардап шегуші жан тапсырды.

Бұған дейін хабарлағанымыздай, жол-көлік оқиғасы 6 қаңтар күні болған. Сондай-ақ қалада қоғамдық көліктердің қатысы бар жол-көлік оқиғаларының көбейгені туралы жаздық.