Өскемен аялдамаларының бірінде қар күреген студент әлеуметтік желі қолданушыларының ерекше ықыласына бөленді, деп хабарлайды Altaynews тілшісі.

«Өскемен Тәртіп» мекемесінің қызметкерімен бірге аялдамадағы қарды тазалаған студент, қала тұрғындарының таңданысын тудырды. Тіпті оның суреті «Іnstagram» желісіндегі түрлі пабликтарда қызу талқылануда. Әлеуметтік желі қолданушылары жігіттің бұл әрекетіне сүйсініп, түрлі пікір қалдырыпты.

- Автобус күтіп тұрғанбыз. Студент бала "Өскемен Тәртіп" мекемесімен бірге қар тазалай жөнелді. Менің автобусым келгенде, ол сол бойы қар күреп қалып қойды, - дейді жазба авторы.