ШҚО-да 3 жолаушылар автобусы мен 19 жеңіл автокөлік жолда қалды. Бұл ақпаратты облыстық Төтенше жағдайлар департаменті таратты.

Айта кетейік, демалыс күндері ауа райының қолайсыздығына байланысты облыс аумағында бірқатар тасжол жабық болды.

«Семейден 30 шақырым қашықта қар құрсауында қалған 19 автокөлік ТЖД мен «ҚазАвтоЖол» қызметкерлерінің көмегімен қалаға жеткізілді. Онда барлығы 37 жолаушы болған. Сондай-ақ Таскескен ауылы маңында «Алматы – Семей», «Тарбағатай – Алматы» бағыттарында жолда қалған 3 автобус (55 жолаушы) эвакуацияланып, жылы бекетке жеткізілді», – делінген департамент ақпаратында.

Департамент мәліметінше, қазіргі уақытта облыстағы барлық жол ашық. Алайда жолаушыларға кез келген жағдайда ауа райын бақылап, жолға шығуға болмайтыны жайында ескерту-хабарлама келген-келмегенін біліп алуды қаперге салады.