Өскемендегі Оралхан Бөкей атындағы орталық қалалық кітапханада жазушының әдеи залы ашылды, деп хабарлайды Altaynews тілшісі.

Бұл әдеби зал Оралханның әдеби мұрасын сақтауға және насихаттауға бағытталған.

Залдың ашылу салтанатына қала әкімі Жақсылық Омар, Оралханның туған-туысқандары және осы залды жабдытауда демеуші болған кәсіпкерлер  қатысып отыр.

Шара барысында Оралхан Бөкейдің қолжазбалары, болгар, эстон, ағылшын, қырғыз, неміс, жапон, француз, тағы да басқа шетел тілдеріне аударылған кітаптары, суретшілер Б.Урманче мен Б.Исиннің туындылары қойылған BOKEI.KZ сайты таныстырылды.

Сондай-ақ, қатысушылардың назарына Ресей жазушысы, аудармашы А.Ким жолдаған бейнеқұттықтау ұсынылды.