Бұл туралы жазушының қарындасы Ғалия Бөкейқызы мәлімдеді. Бүгін Өскемендегі Оралхан Бөкей атындағы Орталық қалалық кітапханада жазушының әдеби залы ашылды.

Шара барысында Ғалия Бөкейқызы Шыңғыстайда Оралханнан мұра болып қалған үй жайлы сөз қозғады: "Ел Оралханның үйі жабық тұрады деп айтып жатады. Бұл үйге қатысты үлкен жоба жүзеге аспақ. Кезінде анам да, ағам да осы үйді маған аманат етіп, қандай жағдай болса да қара шаңырақ өзімізде қалу керек деген болатын. Болашақта ол жерде мұражай ашылады. Бірақ ол тек мұражай ғана болмайды. "Оралхан үйі" деп аталып, әлем әдебиетшілері бас қосатын орталыққа айналады",-деді Ғалия Бөкейқызы.