Бүгін ауа райының қолайсыз жағдайларына байланысты Семей мен Курчатов қалаларының мектептерінде сабақ тоқтатылды, деп хабарлайды Altaynews тілшісі.

ШҚО ТЖД ақпараты бойынша, Семейде көктайғаққа байланысты бірінші ауысымдағы  1-9 сыныптарға, Курчатов қаласында – 1-11 сыныптарға сабақ болмайды.

Сондай-ақ, аймақтағы кейбір автожолдарда көлік қозғалысына шектеу қойылған екен.

Кеше Төтеншежағдай қызметі 6-7 желтоқсан күндері қатты жел соғып, қар аралас жаңбыр жауатыны жайлы ескерткен еді.