Өскеменде салынып жатқан ең үлкен гипермаркет «ADK River» желтоқсан айында ашылады, деп хабарлайды Алтайньюс тілшісі.

Бұл ғимарат үш қабатты және жер асты-көлік тұрағы бар. Бірінші қабаттың 4 мың шаршы метр аумағына «A-Store» атты азық-түлік дүкені орналасады. Сонымен қатар бірнеше киім-кешек дүкендері, «Sulpak» және шағын бутиктер болады.

Екінші қабатты да киім-кешек және косметика дүкендері мен «New Yorker» және түрік брендтері толтырады.

Үшінші қабат – нағыз ойын-сауықтың орталығына айналуы мүмкін. Сегіз кинотеатр залы, балалардың ойын алаңқайы, бала ғалымдардың жеке ойын алаңы және ерекше хайуанаттар бағы болады деп жоспарлануда. «KFC», «Burger Club», «Burger King», «Регистан», «DoDo пицца» дәмханалары да осы қабаттан табылады.

Гипермаркетті желтоқсан айының ортасында ашу жоспарда бар.