Өскемендегі Крылов көшесінің бойында салынып жатқан сән салонының құрылысы жақын арада тоқтайды, деп хабарлайды Аltaynews тілшісі. Бұл туралы аймақ басшысы Даниал Ахметов мәлім етті.

Әлеуметтік желіде қызу талқыға түскен тақырыпқа қатысты 20 мыңнан астам адам наразылық білдірген. Мәселеге қатысты облыс әкімі жауап берді.

-        Жаңа сән салонының құрылысы автокөлік пен жаяу жүргіншілердің қозғалысына кедергі жасайтыны белгілі. Кәсіпкер заңнама нормалары мен жерді жалға алу келісімінің шарттарын бұзды. Менің тапсырмам бойынша Өскемен жер қатынастары, сәулет және қала құрылысы бөлімінің басшылығы сотқа арыз жолдаған болатын. Арыз қабыланды. Ағымдағы жылдың 1 желтоқсанынан бастап заңды күшіне енеді. Жер телімін жалға алу келісім-шарты бұзылады, -  деді аймақ басшысы өз жазбасында.