Көкпекті ауылында жаңа нысан ел игілігіне берілді, деп хабарлайды Аltaynews тілшісі.

Аудан орталығында ашылған жаңа саябақ «ШҚО облысы бойынша 100 елді мекенді және аудан орталықтарын абаттандыру» бағдарламасының аясында салынған. Саябақта балаларға арналған ойын алаңқайлары мен спорттық құрылғылар бар. Болашақта саябақтың аумағын кеңейтіп, дендросаябаққа айналдыру көзделген.

- Осыдан бірнеше жыл бұрын мұнда тек орман болса, қазір аталған жер демалыс орнына айналып отыр. Осы саябақтың ашылуын әсіресе, балалар асыға күткен сияқты. Себебі, демалыс аумағында спорттық және балаларға арналған алаңдар бар. Саябақты өз үйлеріңіздей көріп, тазалығын, тәртібін бір кісідей сақтасақ, оның болашағы зор болмақ, - деді ауыл әкімі Қайрат Алғазыұлы.

Сәні мен сәулеті келіскен нысан көкпектіліктердің сүйікті орнына айналады деген сенімдеміз.