Бесқарағай ауданына жұмыс сапарымен барған облыс әкімі Даниал Ахметов абердин-ангус сиырын өсіріп отырған шару қожалығымен танысты, деп хабарлайды Аltaynews тілшісі.

«Жай-Жа» жауапкершілігі шектеулі серіктестігінің басшысы Жәнібек Жұмағазы абердин-ангус сиырын өсіріп отырғанын айтты. Ол қожалықты 2017 жылы ғана құрса да, бүгінде асыл тұқымды малды мың басқа жеткізген.

Шаруа қожалық бұдан бөлек Ресейден әкелінген етті жылқы өсірумен де айналысады. Оның айтуынша, төрт жасар жылқы, шамамен, 800 келі тартады.

Облыс әкімі Жәнібек Жұмағазының атқарып отырған шаруасы мен жаңа техникаларына оң бағасын берді.