Өскемендегі коммуналдық қызметкерлер жылы аялдама павильондарын ретке келтіре бастайды, деп хабарлайды Алтайньюс тілшісі.

Тұрғын үй-коммуналдық шаруашылығы, жолаушылар көлігі және автомобиль жолдары бөлімінің мәлімдеуінше, жылы павильондардағы теплофондар қараша айында іске қосылады.

– Қараша айынан бастап жылы аялдамалар сағат таңғы 6.00-ден 23.00-ге дейін ашық тұрады.  «Өскемен Тәртіп» мекемесінің қызметкерлері  павильондардағы температураны ауа райы жағдайына байланысты реттеп отырады, – деді аталмыш бөлімінің баспасөз хатшысы Владимир Землянский.

Айтып өткеніміздей, жылы аялдамалар іске қосылмас бұрын павильондарды тазалап, жөндеуден өткізу керек. Соның ішінде әйнектерді қазан айының соңына дейін ауыстыру жоспарланып отыр.