ШҚО-да жылу беру науқаны басталып кетті, деп хабарлайды Алтайньюс тілшісі.

25 қыркүйектен бастап Алтай қаласындағы 69 әлеуметтік нысанға жылу беріледі. Алтай қаласында ауа райының орташа температурасы 15 градус жылылықты көрсетіп тұр. Түнде градус тілі төменге түсіп кетеді.

Айта кетейік, 24-26 қыркүйек күндері түнде ауа температурасы 3 градусқа дейін төмендеп, қатқақ жүретінін «Қазгидромет» те хабарлаған болатын.

– 69 нысанның басым көпшілігі балабақша, мектеп және емханалар. Олар жылу беру маусымына дайын екендіктерін де растады, – деді қала әкімі Константин Передельский.