Өскеменде енді салынып жатқан үйдің 5-қабатынан секірмек болған жас жігіт өзін құтқарғандарға артынан алғыс айтты, деп хабарлайды Алтайньюс тілшісі.

Таңертең полиция қызметкерлеріне әлдекімнің бесінші қабаттан секіргелі тұрғаны туралы хабар жетеді. Хабар беруші сөзінше, секірмекші болған адам маңайына ешкімді жуытар емес.

Оқиға орынына Полиция басқармасының қызметкерлері: аға лейтинант Әнуар Бақтияров пен лейтинант Дамир Серіков келген.

Одан кейінгі жағдай төмендегі бейнежазбада анық көрсетілген. Мойынына бұғалық салып, үйдің шетінде отырған адамды сақшылардың біреуі сөзге айналдырған сәтте, екіншісі артқы жағынан мысықша басып келіп, тартып алып кетті.

Кейін белгілі болғандай 31 жастағы азамат мас болған екен. Есін жиғанда білместікпен ағат қадамға барғанын мойындаған.