Өскеменде полиция қызметкерлері мектеп маңайларында кезекшілік атқаратын болды, деп хабарлайды Алтайньюс тілшісі.

«Абайлаңыз, балалар!». Полиция басқармасының іс-шарасы осылай аталады.

– Тәртіп сақшылары әр күні сағат 7:30-8:00 аралығында мектептердің маңындағы жүргіншілер жолында кезекшілікке тұрады. Баршаға мәлім бұл уақытта көлік ағыны қатты болады. Балалардың саулығы үшін, біздің қызметкерлер жол ережесін реттейді, – деп түсіндірді акцияның мақсатын басқарма басшысы Дәуір Ибраев.