"Жаңа автобустар мен электронды билет жүйесі енгізілгеннен кейін жол ақысы қымбаттай ма?", Семей әкімі тұрғындардың сауалына жауап берді, деп хабарлайды Алтайньюс тілшісі.

Естеріңізге сала кетсек, осыдан бірер күн бұрын қыркүйектен бастап қалалық автопарктің 86%-ға жаңартылатынын және келесі жылы электронды билет жүйесінің енгізілуі мүмкін екендігін жазған едік. Осыған байланысты, қала тұрғындары жол жүру ақысы жайлы сауалдар жолдаған болатын. Ендеше, сауалға жауап:

 – Көпшілікті алаңдатқан сұрақ осы. Тариф сол күйінде қалады. Сол баяғы 80 теңге. Жол жүру ақысы қымбаттамайды,  –  дейді қала әкімі Ермак Сәлімов.