«Altay Athletics» клубының спортшылары үшін биылғы маусым аса сәтті өтуде. Соңғы кездегі байрақты бәсекелерден жүлдесіз қайтпай жүрген сондай саңлақтарымыздың бірі Михаил Литвин жақында Польшада өткен ірі халықаралық доданың да жүлдегері атанды.

Веслав Маняк мемориалы деп аталатын турнирде ел намысын қорғаған спортшымыз 400 метрге жүгіру сайысында 46,21 секундқа тең нәтиже көрсетіп, күміс жүлдеге қол жеткізді. Отандасымыз мәре сызығын бірінші болып кескен британдық Юсиф Рабадан жарты-ақ секундқа қалып қойды. Бұл сындағы үздік үштікті польшалық Дариуш Ковалюк түйіндеді.

Olympic.kz сайт хабарлағандай, енді Литвин Люксембургте өтуі тиіс Permit Meetings халықаралық жарысына қатыспақ.