Облыс аумағында екі тәулікте тоғыз жерден өрт шықты, деп хабарлайды Алтайньюс тілшісі.

ШҚО ТЖД ақпараты бойынша, қураған шөптен тұтанған өрттің тек төртеуін ғана толық сөндіріп үлгеріпті.

Қазіргі уақытта Жарма, Аягөз, Бесқарағай аудандарында және Семей қаласының маңында өрт сөндіру жұмыстары жүргізіліп жатыр екен. 10 шақты техника жұмылдырылған. Өрт сөндірушілерге шаруа қожалықтары мен орман шаруашылықтарының қызметкерлері көмектесуде.