Семей-Алакөл бағытындағы жолаушылар микроавтобусы өртенді, деп хабарлайды Алтайньюс тілшісі.

Оқыс оқиға бүгін болған. Үржар ауданы ТЖ қызметінің «101» пульт нөміріне Үржар-Таскескен автожолының бойында микроавтобустың жанып кеткені туралы хабар түскен.

Өртті сөндіруге Үржар ауданының Төтенше жағдай қызметіндегі жеке құрамның 4 маманы мен 1 өрт сөндіру техникасы жұмылдырылып, өрт толықтай сағат 6:30-да өшірілді.

Абырой болғанда, зардап шеккендер жоқ. Өрттің шығу себебі анықталуда. Төтенше жағдай қызметі автокөліктерге қарапайым өрт қауіпсіздігін сақтауды және өздерімен бірге өрт сөндіргішті  алып жүруді ескертеді.