Өскеменде бүгін ауа райы күрт бұзылды. Күн күркіреп, бұршақ жауып өтті. Чернов көшесіндегі жер үйлердің маңында өсіп тұрған ағашқа найзағай түскен екен, деп хабарлайды Алтайньюс тілшісі.

Қазір әлеуметтік желіде бейнежазба таралуда.

-  Ағаштың жаңқасы 30-40 метр жерге дейін ұшты. Үйде жарық сөніп қалды, - дейді видео авторы.

Өскемен ТЖБ баспасөз қызметінің ақпараты бойынша, оқиға орнына құтқарушылар барған.

- Зардап шеккен адамдар жоқ, - деп мәлімдеді баспасөз қызметі.