Зайсанда магистральдық құбыр жарылып, тоғыз ауыл көгілдір отынсыз қалды.

Аудан әкімдігінің ақпаратына сүйенсек, құбырда жарық пайда болғандықтан Қарабұлақ, Кеңсай, Қайнар, Айнабұлақ, Жамбыл, Көгедай, Шалқар, Қаратал, Үлкен Қаратал ауылдарына газ бармай қалған, деп хабарлайды Altaynews тілшісі.

Қазір қалпына келтіру жұмыстары жүргізіліп жатқан көрінеді. Әкімдік постындағы тұрғындардың пікірлеріне сүйенсек, 2 қараша күні таңертең тұтынушылар газбен жабдықтаусыз қалады.