Полиция "борышкерлердің" соңына түсті – Өскемен
Облыс орталығында полиция қызметкерлері «Борышкер» атты жедел шара бастады.
Іс-шараның мақсаты бұған дейін жол қозғалысы ережесін бұзған жүргізушілерден айыппұл өндіру, деп хабарлайды Altaynews тілшісі.
«Қызметкерлер жазаның бұлтартпастығын алға тарта отырып, салынған әкімшілік айыппұлдарды өндіріп алудың тиімділігін арттырады», деп мәлімдеді Өскемен қаласының полиция басқармасы.
Басқарманың ақпаратына сүйенсек, профилактикалық шара шеңберінде жолдарда рейдтер жүргізіледі. Тәртіп сақшылары «Поток» аппараттық-бағдарламалық кешенімен жарақтандырылған көлікпен жолға шығады.
Жедел шара 20 сәуірге дейін жалғасады.