Әскерилер уақытша қамау изоляторының тыныс-тіршілігімен танысты - ШҚО
Фото: Өскемен гарнизонының баспасөз қызметі
Сыбайлас жемқорлық қылмыстар мен құқық бұзушылықтардың алдын алу мақсатында Өскемен гарнизонының 27943, 47007 әскери бөлімдерінің және ШҚО қорғаныс істер департаментінің лауазымды тұлғалары мен материалдық жауапты қызметкерін уақытша қамау изоляторларына апарды.
Әскери сала қызметкерлері темір торға тоғытылғандардың бүгінгі жай-күйімен, қазіргі таңдағы изолятордың жұмыс барысымен танысты, деп хабарлайды Altaynews тілшісі.
- Қорғаныс министрінде болып өткен 2023 жылғы 29 мамырдағы №22 ақпараттық кеңес хатының 2.3- тармағын орындау мақсатында әскери қызметкерлер уақытша қамау изоляторының тыныс-тіршілігімен танысуға келді. Мұндай шаралар арқылы біз әскери қызметкерлерге сыбайлас жемқорлық үшін сотталған адамдарды ұстау орындарында отырғанын көрсетіп, сыбайлас жемқорлықты болдырмауға шақырамыз, - деді Өскемен гарнизоны әскери полиция бөлімінің аға офицері (сыбайлас жемқорлыққа қарсы әрекет ету жөніндегі) әділет аға лейтенанты Қайсар Ахметов.
Мекеме мамандары әскерилерге тергеу кабинеттерін, жатын орындарды, асхананы, серуендеу алаңдарын және кездесу бөлмелерін көрсетті. Темір торға тоғытылған тұтқындардың бостандықтағы өмірі мен бүгінгі өмірінің айырмашылығы айқын сезілді.
Оқи отырыңыз
