Қаза болған орманшылардың отбасы ұшақпен тегін қатынайды
Фото: orda.kz
Абай облысындағы алапат өртті сөндіру кезінде көз жұмған орманшылардың отбасы жыл соңына дейін FlyArystan компаниясының ұшақтарымен тегін қатынайды.
Олар Семейден Астанаға, Алматы, Шымкент қалаларына және кері бағытта тегін ұша алады, деп хабарлайды Altaynews тілшісі Қазақпаратқа сілтеме жасап.
"Сондай-ақ жалынды ауыздықтауға қатысып жатқан өрт сөндірушілерге біржолғы тегін ұшулар ұсынылып отыр. Авиакомпания Алматы мен Астанадан гуманитарлық жүктерді жеткізуге қолғабыс етуге дайын екенін жеткізді", делінген «Самұрық-Қазына» компаниясының Telegram-каналында.
Қаза болған орманшылардың отбасылары, өрт сөндіруге жұмылдырылған мамандар, гуманитарлық жүкті жинаумен айналысып жатқан волонтерлер help@flyarystan.com электронды мекенжайына жаза алады.
Оқи отырыңыз
