ШҚО-да «Түнгі қаладағы балалар» жедел-профилактикалық іс-шарасының бірінші күні 66 құқық бұзушылық анықталды.

17-19 шілде аралығында облыс аумағында жасөспірімдер қылмысының алдын алу және ескерту, оның ішінде тәуліктің кешкі және түнгі уақытында балаларға қатысты қылмыстық қол сұғушылықтардың алдын алуға, сондай-ақ олардың құқықтық сауаттылығын арттыруға бағытталған "Түнгі қаладағы балалар" республикалық жедел-профилактикалық іс-шарасы өткізілуде, деп хабарлайды Altaynews тілшісі.

«Түнгі қаладағы балалар» жедел-профилактикалық іс-шарасын өткізудің бірінші күні 66 әкімшілік құқық бұзушылық анықталды, оның ішінде:

- 15 құқық бұзушылық - ҚР ӘҚБтК-нің 127-бабы (ата-ананың немесе басқа да заңды өкiлдердiң кәмелетке толмаған балаларды тәрбиелеу жөнiндегi мiндеттерін орындамауы);

4 бұзушылық - ҚР ӘҚБтК-нің 434-435-бабы бойынша (кәмелетке толмаған адам жасаған бұзақылық);

3 бұзушылық – ҚР ӘҚБтК-нің 440-бабы 2-бөлігі бойынша (қоғамдық орындарда 18 жасқа толмаған адамдардың масаң күйде пайда болуы және олардың алкогольдік ішімдіктерді ішуі);

44 бұзушылық – ҚР ӘҚБтК-нің 442-бабы 2-бөлігі бойынша (кәмелетке толмағандардың заңды өкілдерінің еріп жүруінсіз тұрғынжайдан тыс жерде сағат 23-тен таңғы 6-ға дейін болуы).