Абай есімді 17 жасқа дейінгі 4297 бала, 18-44 жас аралығында 8231 адам бар. Бұл туралы Ұлттық статистика бюросының telegram-арнасында жазылды.

"Ақынмен аттас тұрғын саны Түркістан облысында көп кездеседі: 2050 адам. Сондай-ақ ұлы ақынның есімі берілген адам саны Астанада көп: 1930 адам. Алғашқы үштікті Абай есімді 1 588 адам тұратын Алматы облысы түйіндейді. Ойшылдың есімі қойылған тұрғын саны ең аз өңір – Ұлытау облысы. Ол жақта Абай есімді 194 адам ғана тұрады", – деп жазылған бюро мәліметінде.

Ақынның туған өлкесі – Абай облысында 238 адам тұрады.