Өрт сөндірушілер теміржол көлігінде оқу-жаттығу өткізді – ШҚО
Фото: ШҚО ПД баспасөз қызметі
ШҚО ТЖД мамандары теміржол көлігінде болған «төтенше жағдайдың» алдын алды.
Жоспар бойынша теміржол цистернасының апаттық қысымын төмендету нәтижесінде сұйық аммиак төгіліп, жақын маңдағы вагон жанып кеткен, деп хабарлайды Altaynews тілшісі.
Теміржолда тұрған өзге де цистерналарға өрттің таралу қаупі туындады. Ал апат туралы хабар берген пойыз құрастырушысы есінен танып қалады. Оған көкмекке келген өрт сөндірушілер ер адамды қауіпті аймақтан алып шығып, апаттар медицинасы орталығының дәрігерлеріне тапсырды.
- Нысан әкімшілігі мен қызметкерлері ТЖ, Өрт сөндіру бөлімдеріне қалыптасқан жағдай туралы баяндады, сондай-ақ өрт сөндіру пойызына көмекке жүгінуі керек. Полиция қызметкерлері оқиға орнын қоршауға алып, оқу-жаттығу орнында төтенше жағдайды жою штабы құрылды. Құтқарушылар арнайы химиялық қорғаныс костюмдерімен теміржол цистернасына авариялық бандаж орнату арқылы аммиактың ағуын тоқтату жұмыстарын жүргізді, - дейді ШҚО ТЖД баспасөз қызметі.
Оқу-жаттығу барысында бөлімшелерге жауынгерлік тапсырманы қиындататын қосымша кіріспе де пысықталған. Оларды оқу-жаттығу жетекшісі анықтады.
- Көліктегі санитарлық-эпидемиологиялық бақылау департаментінің қызметкерлері төгілген жердегі топырақты өлшеу, іріктеу және техника мен жеке құрамды газсыздандыру жұмыстарын жүргізді. Жедел штаб пен жеке құрамның келісілген іс-қимылдары барысында төтенше жағдай жойылды. Апатты жою бойынша іс-қимылдарды пысықтауға жеке құрамның 56 адамы және 11 бірлік техника, 1 өрт пойызы жұмылдырылды, - делінген хабарламада.
Оқи отырыңыз
