Өскеменнің шеткі аудандарының бірі - Аблакеткада «Самғау» деп аталатын көпфункционалды орталық ашылған. Мұнда ересектер спортпен шұғылданады, ал балалар әртүрлі үйірмелерге қатысады. Ең бастысы, бәрі де тегін.

«Самғауда» теннис, каратэ, бокс, хореография, фитнес, шахмат, бейнелеу өнері, ағылшын тілі, модельдеу үйірмелері мен секциялар тұрақты негізде жұмыс істейді, деп хабарлайды Altaynews.kz тілшісі.

Бір сөзбен айтқанда, бұл орталық мәдениет пен бұқаралық спорттың дамуына даңғыл жол ашты. Мұнда шағын аудандағы өскелең ұрпақтың өз уақытын қызықты өткізіп, ұтымды пайдаланып жатқаны көңілге қуаныш ұялатады. Әрі бұл қаланың орталығымен қатар шеткі аудандарының да дамып келе жатқанын көрсетеді.

«Самғау» орталығы дүйсенбі мен жұма аралығында дейін сағат 8.00-ден 21.00-ге дейін жұмыс істейді. Қосымша мағлұматты 8 777 856 43 78 (Махаббат) нөміріне хабарласып алуға болады.

Айта кетсек, 2022 жылдан бері қала әкімі Жақсылық Омардың бастамасымен ашылған тегін қызмет көрсететін жаттығу залдары жұмыс істейді.

Барлық залда құрал-жабдықпен толық қамтылған көпфункционалды тренажерлер бар.

Жұмыс кестесі: сәрсенбіден жексенбіге дейін.

Спорт залдардың мекен-жайы:

- Лев Толстой көшесі, 26. Сағат 12:00-ден 20:00-ге дейін; нұсқаушы – Қадыр Олжас, 8708 373 2818;

- Астана көшесі, 34. Сағат 13:00-ден 21:00-ге дейін; нұсқаушы – Дарыбаева Карина, 8 777 855 2476;

– Маяковский көшесі, 6. Сағат 12:00-ден 20:00-ге дейін; нұсқаушы – Өзбек Аршынбек, 8747 074 2105.