Глубокое ауданы, Предгорное ауылындағы элеваторда шыққан өрт сағат 12.30-да сөндірілді.

Кептіргіште шамамен 10 тонна астық болған. Өрттің аумағы шамамен 120 шаршы метрді қамтыды, деп хабарлайды Altainews.kz тілшісі.

Өртті сөндіруге жеке құрамнан 90-ға жуық адам, 12 техника, Қазақстан Теміржолының бір өрт сөндіру пойызы, ТЖД және “Васкен” ЖШС-ның адамдары, техникалары жұмылдырылды. Мамандардың алдын ала анықтауынша, тілсіз жау ауыл шаруашылығы өнімдерін өңдеу кезінде өрт қауіпсіздігі техникасын сақтамау және технологиялық процесті бұзу салдарынан шыққан.

Естеріңізге сала кетейік, өрт 8 наурыз күні таңғы сағат 6.37-де Глубокое ауданының Предгорное ауылындағы элеватордың кептіру бөлімінде шыққан.