Жаңа Елтаңба жобасына байқау жариялана ма?
сурет: t.me/aqorda_resmi
Мемлекет басшысы Қасым-Жомарт Тоқаев Елтаңбаға қатысты сыни пікірлер бар екенін айтты. Алдағы уақытта арнаулы комиссия құрылуы мүмкін.
Сосын жаңа Елтаңба жобасын жасауға ашық байқау жарияланады, деп хабарлайды Altainews.kz сайты Ақорданың Telegram-дағы ресми арнасына сілтеме жасап.
Мемлекет басшысы былтыр аймақтардың нышанын, яғни символикасын жүйелеп, бірыңғай стандартқа келтіру қажеттігін айтқан. Нышандардан сол өңірдің ерекшелігімен қатар, еліміздің болмыс-бітімі де байқалуға тиіс. Қазір осы бағытта нақты жұмыс жасалып та жатыр. Қасым-Жомарт Тоқаев мамандар мен сарапшылар Мемлекеттік нышандарды түгел жаңғырту туралы пікір білдіріп жатқанын атап өтті.
– Біздің Көк туымызда мін жоқ. Онда еліміздің бірегей болмысы нақты бейнеленген. Әнұранымыз да нағыз ұлттық рухты паш етеді. Жаңа жылды жақындарымыздың ортасында әнұранмен қарсы алу жақсы дәстүрге айналды. Бір сөзбен айтсақ, әнұранымыздың сөзі де, әуені де халықтың жүрегіне әбден орныққан. Ал Елтаңбамызға қатысты сыни пікірлер айтылып қалады. Оны Кеңес заманындағы Гербке ұқсатып жатады. Тым эклектикалық, күрделі дейді. Мұндай ойды ел ісіне бей-жай қарамайтын белсенді азаматтар ғана емес, мамандар да айтып жүр. Орынды пайымдар ескерусіз қалмауы керек. Ортақ келісімге келген жағдайда арнаулы комиссия құруға болады. Бұл комиссия мәселені жан-жақты қарастырып, қоғамдық талқылау өткізеді. Сосын Қазақстанның жаңа Елтаңбасының жобасын жасауға ашық байқау жарияланады, – деді Президент.
Оқи отырыңыз
Қасым-Жомарт Тоқаев Nur Otan партиясын қандай өзгерістер күтіп тұрғанын айттыҚазақ тілі бизнестің, ғылым мен техниканың тіліне айнала бастады – ПрезидентКім кінәлі? Қасым-Жомарт Тоқаев халықтың наразылығы туралы айттыПрезидент сегізінші сайланған Парламенттің екінші сессиясын ашық деп жарияладыҚазақстанда судьяларды тағайындау талаптары қатайтылады
