2024 жылы колледж студенттеріне 11 жатақхана салынады
фото: dedalsoft.com
Биыл елімізде колледж студенттері үшін 2,6 мыңнан астам төсек-орынға арналған 11 жаңа жатақхана ашу жоспарланған, деп хабарлайды Altainews.kz сайты.
Бұл жөнінде Оқу-ағарту министрлігінің техникалық және кәсіптік білім департаменті мәлімдеді.
«Колледж студенттерінің өмір сүру жағдайларын жақсартуға ерекше назар аударылады. Өткен жылы ғана еліміздің тоғыз өңірінде 2,5 мыңнан астам орындық 13 жатақхана ашылды. Біз бұл жұмысты жалғастыруды жоспарлап отырмыз. Биыл Ақмола, Алматы, Солтүстік Қазақстан және Павлодар облыстарында тағы 11 жаңа жатақхана іске қосылады. Қазіргі таңда олардың құрылысына инвесторлар тартылуда», - деп атап өтті департамент директоры Әсет Мұханбетов.
Қазір еліміздегі колледж студенттерінің 87%-дан астамы жатақханада тұру мүмкіндігіне ие.
Оқи отырыңыз
