Мүмкіндігі шектеулі жандарды қоғамға бейімдеуде олардың әртүрлі техникалық оңалту құралдарымен қамтылуы маңызды. «Республикалық протезді-ортопедтік орталық» АҚ-ның Семей қаласындағы филиалының директоры Досжан Маратұлының берген мәліметі бойынша, жыл басынан бері 1650 мүмкіндігі шектеулі жанға 273788 мың теңгенің  әртүрлі бұйымдары жасалыпты. Оның ішінде 286 аяқ протезі, оның 160-сы жаңа технологиямен жасалған, 28 қол протезі және 937 арнайы ортопедиялық аяқ киім бар.

Досжан Маратұлы стационардан шыққан жандардың толыққанды өмір сүруге мүмкіндік алғандары үшін шексіз алғыс айтатынын жеткізді.