Жуырда қазақ күресінен жоңғар шапқыншылығы кезінде қазақтың даңқын асырған Шынқожа батыр Базарқұлұлын еске алуға арналған 2007-2008 жылдары туған жасөспірімдер арасында қазақ күресінен дәстүрлі ХХ облыстық турнир өткізілді. Сайысқа Аягөз аудандық балалар-жасөспірімдер спорт мектебінің құрама командасы, Ақши, Ақтоғай, Шынқожа, Мыңбұлақ, Қатонқарағай, Қопа, Абай, Ақсуат ауданы, Өскемен, Семей қалаларынан келген жиыны 128 спортшы өзара күш сынасты. Ашылу салтанында аудан әкімінің орынбасары Болат Сүлейменов пен Нарын ауылдық округінің әкімі Медет Түсіпов және басқа да тұлғалар жиналған қауымды бүгінгі мерейлі мезетпен құттықтады. Сондай-ақ, шараға демеушілік жасаған «Рысбек», «Үйрек-тас», «Айдын» «Мақсат», «Нұр-Дәулет», «Әділет-2» , Еркебұлан», «Дидар» , «Ардақ», «Қуанбай», «Қанатбек-Т» шаруа қожалықтарының басшыларына алғыс сезімдерін білдірді.

Жалпы, Абылай хан бастаған қазақ билері мен батырларының тізе қосып, атамекеніміздің шығысы мен оңтүстігін тұтастай басып алған қалмақты ойсырата жеңіп, туған жерден түре қуған болатын. Осы жорықтардың бел ортасында Қаракерей Қабанбай батыр жасағының бір қосынын басқарып, көзсіз ерліктер жасаған жампоздың бірі – Шынқожа батыр болған еді. Шыңғожа батыр жастайынан шарболаттай шынығып, ерлігін ерте танытқан тұлға.Оның атағын шығартқан шайқас Жоңғардың «Аюқара» атанған Доба деген батырымен шыққан жекпе-жегі екен. Добаны допша домалатып, жаудың жігерін құм қылған кезде Шынқожа 21 жаста екен. Жиырма жасында жасындай жарқылдаған ердің даңқы дүйім елге тарап, қалың қауымның мақтанышы болды.

Жарыс жеңімпаздары мен жүлдегерлері мақтау грамоталарымен, медальдармен, кубоктар және ақшалай сыйлықтармен марапатталды. Жүлделі орындардан бөлек, үздік белдесулер көрсетіп, жеңіске деген жігерімен көзге түскен балуандарға осы турнирдің бас демеушісі «Рысбек» шаруа қожалығының төрағасы Оспанов Қанат Рысбекұлы ақшалай сыйлық табыс етті. Сонымен, жүлдегерлер:

23 келі салмақта:

Баймұханбетов Бекасыл-Іорын (Шынқожа)

Рахметолла Бекарыс-ІІ орын (Аягөз)

Ғарифолла Ислам –ІІІ орын (Ақсуат)

Құсманов Диас-ІІІорын (Қатонқарағай)

26 келі салмақта

Абдоллаев Темірлан-Іорын(Абай)

Абдоллаев Бекарыс-ІІ орын (Аягөз)

Джумаджанов Аманжол-ІІІорын(Аягөз)

Орынғалиев Санжар-ІІІорын (Шынқожа)

29 келі салмақта

Болатбек Бекзат-Іорын(Абай)

Болат Ғабит-ІІорын(Шынқожа)

Мукашев Жасұлан-ІІІорын(Қопа)

Слямбеков Мирас-ІІІорын(Ақтоғай)

32 келі салмақта

Кенжеғұлов Әлімжан-Іорын(Мыңбұлақ)

Болатұлы Ғибрат-ІІорын(Шынқожа)

Төлеутаев Нұрбек-ІІІорын(Ақши)

Каримбеков Дәурен-ІІІорын(Шынқожа)

35 келі салмақта

Хайсұлы Елнур - І орын(Аягөз)

Қажиев Нұртас - ІІорын(Ақтоғай)

Балтабеков Жарқын-ІІІорын(Шынқожа)

Мақтаев Ердаулет-ІІІорын(Ақтоғай)

38 келі салмақта

Бақиятов Мағжан- І орын (Аягөз)

Қайырбеков Мадияр- ІІорын (Аягөз)

Жумашев Азамат-ІІІорын (Қопа)

Серікқазы Арсен-ІІІорын(Ақсуат)

46келі салмақта

Қайратұлы Сұлтанбейбарыс-Іорын(Аягөз)

Дәулетбаев Манат- ІІорын(Шынқожа)

Чериязданов Ерасыл-ІІІорын(Өскемен)

Ахметкалиев Ақжан-ІІІорын(Ақтоғай)