Риддерде полицияның қызметтік көлігі мен жеңіл автокөлік соқтығысып, салдарынан төрт адам зардап шекті, деп хабарлайды Алтайньюс тілшісі.

Жол-көлік оқиғасы 26 қарашада болған. Жеңіл автокөліктің жүргізушісі Гагарин көшесінің бойымен жүріп келе жатып, Семипалатинская көшесіне қарай бұрылуға әрекет жасайды. Осы кезде ол қарама-қарсы бағытта келе жатқан полиция автокөлігіне жол беруге тиес  еді.

ШҚО полиция департаменті баспасөз қызметінің хабарлауынша, төрт адам зардап шеккен екен. Жеңіл автокөліктің жүргізушісіне қатысты әкімшілік хаттама толтырылды.