Жаңа Семей станциясында төрт жүк вагоны рельстен шығып кетті, деп хабарлайды Алтайньюс тілшісі.

Бұл туралы  "ҚТЖ-Жүк тасымалдары" АҚ мәлімдейді.

Оқиға кеше, 24 қараша күні сағат 16.30-да Жаңа Семей іріктеу станциясының жолдарында болды. Вагондардың рельстен шығып кетуіне желдің күшеюі себеп болған деседі.

Анықталғандай, адам шығыны мен зардап шеккендер жоқ. Сондай-ақ, компания оқиғаның пойыздың қозғалысына әсер етпегенін айтады. Вагондарды жедел орнына қайтарылған екен.