– Мені және әріптестерімді алаңдататыны, біздің кәсіпорын ай сайын жалақыны кешіктіріп береді. Өткен айда да солай болды. Ол мемлекеттік емес, жекеменшік кәсіпорын. Сұрағым, егер осылай жалақы кешіге беретін болса, өз құқықтарымызды қорғау үшін қандай мекемеге жүгінуге болады?

Мақсат Сарқытбеков,

Риддер

Сауалға облыстық мемлекеттік еңбек инспекциясы басқармасының басшысы Бақытбек Қизатов жауап береді:

– Жалақы алу бойынша жұмысшылардың еңбек құқығы бұзылған жағдайда уақыт оздырмай Өскемен қаласы, Карл Либкнехт көшесі, 19 мекенжайында орналасқан облыстық мемлекеттік еңбек инспекциясы басқармасына жазбаша арызбен жүгіну қажет. Мәселенің  барлығы заңды түрде сол жерде шешіледі.