2019 жылы Өскемендегі Ворошилов көшесі төртжолақты болады, деп хабарлайды Алтайньюс тілшісі.

Бұл туралы ШҚО әкімі Данил Ахметов мәлімдеді.

– Тәуелсіздік даңғылында кептеліс тым көп. Кешкі 5-6 кездерінде көліктердің қатынауы қиындап кетеді. Оның үстіне даңғылмен параллель жатқан Ворошилов көшесінің кей тұстары жалғыз ғана жолақты. Бұл дұрыс емес. Сондықтан аталмыш көшені Абай даңғылынан Металлург көшесіне дейін кеңейтуді тапсырдым, – дейді Д.Ахметов.

Аталған аумақтағы көшенің ұзындығы 2600 метр. Аймақ басшысы бұл жолды кеңейту үшін ары кетсе бір ай ғана уақыт қажет дейді.

Жолды кеңейту жұмыстары 2019 жылдың 1 мамырында басталмақ.