Жатақханаларды ашу 2018-2022 жылдарға жоспарланып отыр, деп хабарлайды Алтайньюс тілшісі.

ШҚО әкімінің орынбасары Серік Ақтановтың айтуынша, бірнеше құрылыстың жұмысы басталып та кеткен. Жатақханалар өңір аумағындағы ЖОО-лар мен колледж шәкірттері үшін салынады. Барлығы 4608 орын.

Бұдан бөлек аймақтағы жетекші ЖОО-лары үшін тағы үш нысанның құрылысы жоспарланып отыр: Сәрсен Аманжолов атындағы ШҚМУ үшін 600 орынды, Д.Серікбаев атындағы ШҚМТУ-ға 500 орынды, Шәкәрім Мемлекеттік университетінің шәкірттеріне 500 орынды студенттер үйі салынбақ.

Ал жыл аяғына дейін Семей қаласындағы электротехникалық колледждің 250 орындық жатақханасы ашылады.