Ертіс өзенінің жағалауына, тура қала әкімшілігі ғимаратының қарсысына құндыздар орналасып алған. Қала тұрғындары судағы аң ағаштарды жойып жатыр деп шағымдануда, деп хабарлайды Алтайньюс тілшісі.

Бұл қызықты жағдай. Құндыздар өте сақ жануар әрі қаланың тіршілігін онша ұната бермейді. Өскемендіктер бұрынғы жылдары да құндызды байқағандарымен, дәл осылай қаланың ортасына қоныстанғандарын көрмегендерін айтады.

"Бұл –шаһардың экологиясы біз ойлағаннан жақсы екенін көрсетеді. Өйткені құндыздар ешқашан да суы ауыр металдармен ластанған өзен жағасына тұрақтамас еді", - дейді экологиялық қауіпсіздікорталығының маманы АнатолийФилиппов.