Астанада «Үздік педагог» республикалық конкурсының жеңімпаздары марапатталды. Бұл аталымға еліміздің 48 ұстазы лайық деп танылды. Олардың әрқайсысын ҚР Білім және ғылым министрі Ерлан Сағадиев пен Дариға Назарбаева арнайы құттықтап, 2 405 000 теңгенің сертификатын табыстады.

Араларында Шығыс Қазақстанның 4 мұғалімі де бар. Семей қаласындағы № 5 Шәкәрім атындағы үш тілде оқытатын көпсалалы гимназиясының география пәнінің мұғалімі Қарлыға Шаяхметова, Семейдегі Назарбаев Зияткерлік мектебінде физика сабағын оқытушысы Асхат Жұмабеков, Өскемен шаһарындағы № 38 гимназиясының ағылшын пәні мұғалімі Елена Кивина және де Дарынды балаларға арналған «Восток» зерттеу орталығы мектеп-кешенінде математикадан сабақ беретін Тамара Бутурлина үздіктердің үздігі атанып отыр.

Айта кетейік, қоғамда ұстаз мамандығының мәртебесін көтеруді мақсат еткен білімдар жандардың байқауы 2012 жылдан бастап ұйымдастырылып келе жатыр.