2019 жылдан бастап ынтымақты зейнетақы артады, деп хабарлайды Алтайньюс тілшісі.

Бұл туралы Еңбек және әлеуметтік қорғау министрі Мадина Әбілқасымова мәлім етті.

Министрдің айтуынша, 2018 жылы зейнетақы индексациясы 9%-бен жүргізілген. Ал келер жылдың қаңтар айынан бастап инфляция деңгейіне тағы 2% қосылып, индексация жасалады екен.

Сондай-ақ, министрдің сөзіне сүйенсек, Қазақстанда зейнетақы ТМД елдеріне қарағанда едәуір жоғары көрінеді. Еліміздегі орташа зейнетақы мөлшері 101 мың теңгені құрайды.

-Осы жылдың 1 шілдесінен базалық зейнетақының жаңа үлгісі енгізілді. Оған сәйкес, базалық зейнетақы 67%-ға өсті, - дейді министр.