Елімізде "English for Jastar" атты жаңа жоба шықты. Қараша айына дейін Олимпиада чемпионы, Парламент мәжілісінің депутаты Серік Сәпиев бастаған 28 тіл жанашыры мен 140-тан астам тіл маманы ауылды жерлердегі оқушыларға ағылшынша үйретеді.

Оқу ерікті түрде жүргізіледі. Негізнен 9-11 сынып оқуышылары қамтылмақ.

Ұйымдастырушылар «жоба екі айдай сынамалы түрде жүргізіледі. Барлық облыс пен ауданға барады мамандар. Басты мақсат – ағылшын тілін оқып жатқан жастардың білімін одан әрмен арттыру», дейді.

«Болашақ» Ассоцияциясының атқарушы директоры Лаура Демесінованың сөзінше, ағылшынша үйрету үшін алдағы уақытта шет елден мамандар келуі мүмкін.

– Шет елдік маманның әрбірімен видеобайланысқа шықтық. Олардың құжаттарын, оқушылармен жұмыс тәжірибесін анықтап қарадық. Айта кетейік, бұл жоба оқушының сабағына кедергі болмайды. Сабақтан тыс уақытта жүргізіледі, – дейді Л.Демесінова.