Курчатов қаласына 14 елден ғалымдар келді, деп хабарлайды Алтайньюс тілшісі.

Қазақстан ұлттық ядролық орталығында Семей сынақ алаңының ғылыми-техникалық әлеуетін арттыру мақсатында 8-ші халықаралық конференция ашылды.

Үш күнге жоспарланған шара аясында ғалымдар сынақ алаңын, Атом көлін, Қазақстандық материалтану токамагын, Семей ядролық сынақ музейін және басқа да жерлерді аралап көрмек.

Ғалымдар бұл аймақтың радиациялық экологиясына, медициасына және келешегіне қатысты мәселелерді қарастырмақ.