Өскемендегі Республика алаңына сахна қойылады, жолдар жабылады
Бүгіннен бастап Өскемендегі Республика алаңы көлік қозғалысы үшін жабық. Себебі онда қала күніне дайындық жұмыстары жүріп жатыр, деп хабарлайды Алтайньюс тілшісі.
Өскемендіктер мерекені екі-үш күн қатарынан тойламақ. Яғни қала көшелерінде тағы да кептеліс көбейеді. Жүргізушілерге өз жолдарыңызды бағамдап алыңыздар демекпіз:
Бүгін таңғы 10.00-де Республика алаңы сахна қойылатындықтан жабылды.
7 қыркүйекте 18.30-дан бастап Қазақстан көшесіндегі «Сулпак» сауда үйінің жолы жабылады.
8 қыркүйек күні таңғы 8.00-ден 17.00-ге дейін Республика алаңының айналасы түгел жабық болады:
Орджоникидзе көшесі – Киров көшесімен қиылысатын тұстан Пермитин көшесіне дейін, М.Горький көшесі – Киров қиылысынан Пермитин көшесіне дейін,
Қазақстан көшесі – Қ.Қайсеновпен қиылысатын тұсынан Қабанбай көшесіне дейін жабық.