Семейде полицейлер мен еріктілер төртінші тәулік қатарынан үш баланың анасын іздестіріп жатыр, деп хабарлайды Алтайньюс тілшісі.

Динара Әубәкірова 20 тамыз күні үйінен шығып кетіп, сол беті оралмаған. Еріктілердің айтуынша, 38 жастағы әйел Нахаловка елді мекеніндегі үйінен сағат кешкі бес шамасында шыққан. Өзімен бірге телефонын да, құжаттарын да алмаған көрінеді.

Динара Әубәкірованың бойы 170 сантиметрге жуық,  шашы қара-қоңыр түсті. Оң жақ қабағында тыртығы бар. Жоғалатын күні ақ кофта мен ашық-қоңыр түсті шалбар киіп жүрген екен.